Verkefnið er að gera eftirmynd af málverki Þórarins B Þorlákssonar; Þingvellir, í hóp. Það er að segja hópurinn sameinast í að gera eina stóra mynd, sem er þó nokkuð stærri en fyrirmyndin. Eftirprentun af málverkinu er klippt niður í jafna hluta, sem eru jafn margir nemendum. Hver nemandi fær einn hluta og pappírsörk sem hefur verið sniðin í rétt hlutföll, svo hún endurspegli hlutföll fyrirmyndarinnar.
Hver og einn stækkar upp sinn hluta, í línuteikningu. Áður en lengra er haldið er hlutunum raðað saman til að ganga úr skugga um að teikning gangi upp sem heild. Að línur mætist á milli hlutanna.
Þá vinna nemendur hlutana sína áfram í þurrkrít. Áhersla er lögð á litablöndun og að fylgja litunum í fyrirmyndinni. Að lokum er hlutunum raðað saman á vegg í eina stóra mynd.
Þetta er að sjálfsögðu hægt að gera með hvaða fyrirmynd sem er.