Verkefnið er unnið út frá göngulistamanninum Ríkharði Langa (Richard Long). Við leituðum að teikningum í ljósmyndabók um listamanninn og heyrðum sögu um hann. Við fundum myndir af sporum í snjó, far eftir steina sem höfðu oltið niður brekku, hring eftir fótspor barna og teikningu á vegg eftir vatnsgusur. Ríkharður lítur á þetta sem teikningu.
Við sóttum stóra grá steina og lékum okkur að teikna með vatni á þurra steinana með dropateljurum. Við gerðum alls konar línur með vatninu og það endaði með því að steinninn okkar var orðinn svartur af bleytunni.
Eftir þetta komum við okkur fyrir í kringum risastóra pappírsörk sem var römmuð inn með tréramma á gólfinu. Kennarinn spurði hvort hægt væri að teikna með bolta? Hópurinn var frekar jákvæður á það, sérstaklega í ljósi þess hvað Ríkharður kallar teikningu.
Nú fengum við nokkra liti af bleki, eins konar bað fyrir boltana og teiknuðum með því að rúlla boltunum á milli okkar, eftir að hafa baðað þá upp úr blekinu. Það mynduðust skemmtilegar stjörnur á pappírnum. Þetta var mikið fjör. Endapunkturinn var að vð notuðum aftur dropateljarana og létum vatnsdropana leika um blaðið og það mynduðust litasprengjur í öllum regnbogans litum á blaðinu.
